سيتي ستارز ولع

إنهاردة كنت ناوية أدخل السينما الساعة ثلاثة و نصف في سيتي ستارز لكن الحمد الله إني إتاخرت لحد لما وصلت هناك الساعة خامسة

و فؤجئت بأعداد كبيرة من البشر متجمهرة و لما قربت إكتشفت إن سيتي ستارز كان بيولع و الباب مقفول و في عربية مطافي جوة

و إن الحريق قام في الدور الرابع بتاع المطاعم و الدور الخامس بتاع السينما

الناس جريت في كل حته لما الحريق إشتعل , علامات الذهول و الخوف على وجوه بعض العاملين اللي عرفوا يخرجوا جري تاركين وراءهم المحلات و كل حاجة

,الناس كلها كانت بتجري من كوستا و كل المحلات قالت إحدى العاملات و تأخذها كريزة ضحك

دخلت اكثر من سيارة تابعة للجيش و سيارة بها سلم طوله 77 متر حاول من عليها عسكريين الوصول لمكان ما لكن واضح أنهم فشلوا , فتم إحضار سيارة أخرى هذة المرة السلم 88 متر , العاملين في المطابخ خرجوا بما عليهم من ملابس, و كان فيه منهم عاملين لازالوا داخل المبنى و بعد بعض من الوقت رايت أحدهم ملابسه سوداء تماما و ممزقة من أثار حريق و هو يجرى صارخا لاعنا المكان و خرج و من بعده مجموعة اخرى كانوا يسعلون بشدة و بدى عليهم أثار الإختناق و كانوا يتصببون عرقا

لا أعرف إن كان هناك مصابين و لا حجم الحريق لكن شهود عيان قالوا ان الدخان كان كثيف جدا جدا و خاصة في الدور الرابع ناحية لعب الأطفال.

أسباب الحريق مجهولة لكن البعض قال ماس كهربائي و هناك رجل قال أن من فعل ذلك هو احد العاملين بالمول حيث فاض به الكيل (مش عارفة ليه) فقام بإشعال الحريق في الدور الرابع عن الطريق التسبب في ماس كهربائي بالدور الرابع و الخامس ثم تم إكتشافة و ملاحقته

حتى إنصرافي كانت السيارة بالسلم الذي يبلغ طولة 88 متر تقف امام المبنى و السلم مفرود عن اخره و يقف عليه رجلين ينظران لداخل المبنى دون أن يدخل احدهما و ظلوا هكذا لما يقرب من الساعة.