ـ- الله بالخير .. انا طالب جديد هني معاك بنفس التخصص وحصلت رقمك من الجامعة.
حياك الله الحمد لله على السلامة.
- الله يسلمك .. اخوي والله محتاج مساعدة بكم شغلة بالجامعة.
حاضر .. نلتقي الليلة إن شاء الله.
- شلون الجامعة هني؟
والله مستواها زين وسمعتها ممتازة بأمريكا وكل الشركات الكبيرة توظف خريجينها.
- يعني صعبة؟
هممم والله مو صعبة بس كرف .. يعني يبيلها مجابل.
- انزين انا ماني عارف سستم المواد هني والستدي بلان .. ودي لو تساعدني فيه الله يخليك.
حاضر .. نتلاقى باكر بالجامعة واشرح لك كل شي ان شاء الله.
- هذيل طالبين مني ستدي بلان .. شنو الكلاسات اللي تنصح فيها؟
والله يعتمد على اللي انت تبيه .. يعتمد بعد على بحثك بالأساس.
- اي بس يعني قبل لا يصير عندي بحث .. شنو تنصح فيه.
والله فيه هالثلاث أربع مواد حلو إن الواحد يبدي فيها ...
- ايه .. وهذيل سهلين؟
والله ما اقدر احكم يعتمد شلون انت تجابلهم .. بس انا خذيتهم والحمد لله ما كانوا بذيك الصعوبة.
- خلاص انا بتوكل على الله وبسجلهم على شورك.
- احصل عندك هوم ووركات قديمة مالت هالمواد؟
والله ما ادري ادور لك .. بس يعني ما راح تفيدك بشي انا ماخذهم من زمان.
- يا معود بس امشي حالي فيهم قاعد بالكلاس ماني فاهم شي.
- اليوم عطانا نتايج الميد تيرم .. الله يهديك هذا كلاس مقلب!
افا ليش ..
- اي والله توهقت .. الحين مادري شسوي ادربه والا اكمل ..
والله مادري كلم الدكتور شوف هو شنو يشور عليك.
- انزين ماكو هني توتر حق هالمواد؟
والله ما اعتقد .. التوترز عادة تلقاهم حق كلاسات أول سنتين.
- ابي اسجل حق التيرم الياي .. بس احتاج ستدي بلان اول.
اي اوكي .. شنو المواد اللي تبيها؟
- انت شتنصح فيه؟
انا ماقدر انصحك! يعتمد عليك انت وعلى بحثك .. يعني اقدر اقول لك هاك البلان مالتي امش عليها .. بس انا بانيها على أساس بحثي فمو بالضرورة تعني لك شي.
- انزين حق التيرم الياي .. شتنصح فيه؟
اخذ الكلاسات الثانية اللي تتبع اللي الحين ماخذهم ..
- لا يا معود .. انا بروحي متوهق فيهم الحين .. شنو اكو غيرهم؟
هممم .. اخذ هالكلاس .. وهالكلاس ..
- هذيل سهلين؟
والله مادري شقول لك .. هذا انا ما خذيته .. بس هذا ماخذه بس لازم تشد حيلك يعني.
- انزين على الأقل ما عندك الهوم ووركات القديمة؟
لا للأسف ما عندي. <<كذبة>>
- انزين يعني هذيل إيزي أيه؟
<<ولّين>> .. انا والله ما ودي أجاملك .. بس اذا انت ياي جامعتنا تدور كلاسات إيزي أيه .. ترى انت بالمكان الغلط .. يعني يمديك الحين تفكر تروح مكان ثاني لأن ما راح تمشي هني.
- انزين ماكو هني كلاسات اختياري؟
بلى فيه بس ترى اذا مفكر ترفع المعدل فيهم ترى ما يحسبونهم.
- لا حول الله .. والله بلشه.
- بغيت أسألك .. جامعة ....... شلونها؟
والله مادري يعني من أي ناحية؟
- يعني بشكل عام الجامعة شلونها؟
والله عادية يعني .. مستواها سيء مقارنة بجامعتنا .. يعني لو انا خريجها للأمانة مو مال أفتخر بشهادتها مقارنة بجامعتنا.
- الكويتيين اللي فيها شيقولون عنها؟
والله ما يقولون شي يذكر .. عادية يعني.
- يعني سهلة؟
<<إي هات من الآخر>> .. والله ما أدري ما درست فيها.
الشرهة مو عليك.
الشرهة على اللجنة اللي رشحتك.
وعلى العميد اللي وافق عليك.
وعلى جامعة الكويت اللي تصرف لك بعثة.
قولوا آمين.ـ
حياك الله الحمد لله على السلامة.
- الله يسلمك .. اخوي والله محتاج مساعدة بكم شغلة بالجامعة.
حاضر .. نلتقي الليلة إن شاء الله.
*****
- شلون الجامعة هني؟
والله مستواها زين وسمعتها ممتازة بأمريكا وكل الشركات الكبيرة توظف خريجينها.
- يعني صعبة؟
هممم والله مو صعبة بس كرف .. يعني يبيلها مجابل.
- انزين انا ماني عارف سستم المواد هني والستدي بلان .. ودي لو تساعدني فيه الله يخليك.
حاضر .. نتلاقى باكر بالجامعة واشرح لك كل شي ان شاء الله.
*****
- هذيل طالبين مني ستدي بلان .. شنو الكلاسات اللي تنصح فيها؟
والله يعتمد على اللي انت تبيه .. يعتمد بعد على بحثك بالأساس.
- اي بس يعني قبل لا يصير عندي بحث .. شنو تنصح فيه.
والله فيه هالثلاث أربع مواد حلو إن الواحد يبدي فيها ...
- ايه .. وهذيل سهلين؟
والله ما اقدر احكم يعتمد شلون انت تجابلهم .. بس انا خذيتهم والحمد لله ما كانوا بذيك الصعوبة.
- خلاص انا بتوكل على الله وبسجلهم على شورك.
*****
- احصل عندك هوم ووركات قديمة مالت هالمواد؟
والله ما ادري ادور لك .. بس يعني ما راح تفيدك بشي انا ماخذهم من زمان.
- يا معود بس امشي حالي فيهم قاعد بالكلاس ماني فاهم شي.
*****
- اليوم عطانا نتايج الميد تيرم .. الله يهديك هذا كلاس مقلب!
افا ليش ..
- اي والله توهقت .. الحين مادري شسوي ادربه والا اكمل ..
والله مادري كلم الدكتور شوف هو شنو يشور عليك.
- انزين ماكو هني توتر حق هالمواد؟
والله ما اعتقد .. التوترز عادة تلقاهم حق كلاسات أول سنتين.
******
- ابي اسجل حق التيرم الياي .. بس احتاج ستدي بلان اول.
اي اوكي .. شنو المواد اللي تبيها؟
- انت شتنصح فيه؟
انا ماقدر انصحك! يعتمد عليك انت وعلى بحثك .. يعني اقدر اقول لك هاك البلان مالتي امش عليها .. بس انا بانيها على أساس بحثي فمو بالضرورة تعني لك شي.
- انزين حق التيرم الياي .. شتنصح فيه؟
اخذ الكلاسات الثانية اللي تتبع اللي الحين ماخذهم ..
- لا يا معود .. انا بروحي متوهق فيهم الحين .. شنو اكو غيرهم؟
هممم .. اخذ هالكلاس .. وهالكلاس ..
- هذيل سهلين؟
والله مادري شقول لك .. هذا انا ما خذيته .. بس هذا ماخذه بس لازم تشد حيلك يعني.
- انزين على الأقل ما عندك الهوم ووركات القديمة؟
لا للأسف ما عندي. <<كذبة>>
- انزين يعني هذيل إيزي أيه؟
<<ولّين>> .. انا والله ما ودي أجاملك .. بس اذا انت ياي جامعتنا تدور كلاسات إيزي أيه .. ترى انت بالمكان الغلط .. يعني يمديك الحين تفكر تروح مكان ثاني لأن ما راح تمشي هني.
- انزين ماكو هني كلاسات اختياري؟
بلى فيه بس ترى اذا مفكر ترفع المعدل فيهم ترى ما يحسبونهم.
- لا حول الله .. والله بلشه.
*****
بعد عدة أشهر
*****
*****
- بغيت أسألك .. جامعة ....... شلونها؟
والله مادري يعني من أي ناحية؟
- يعني بشكل عام الجامعة شلونها؟
والله عادية يعني .. مستواها سيء مقارنة بجامعتنا .. يعني لو انا خريجها للأمانة مو مال أفتخر بشهادتها مقارنة بجامعتنا.
- الكويتيين اللي فيها شيقولون عنها؟
والله ما يقولون شي يذكر .. عادية يعني.
- يعني سهلة؟
<<إي هات من الآخر>> .. والله ما أدري ما درست فيها.
*****
الشرهة مو عليك.
الشرهة على اللجنة اللي رشحتك.
وعلى العميد اللي وافق عليك.
وعلى جامعة الكويت اللي تصرف لك بعثة.
الله لا يجيب اليوم اللي تدرس فيه عيالي.
قولوا آمين.ـ
0 коммент.:
Speak up your mind
Tell us what you're thinking... !